واشنگٹن (مانیٹرنگ ڈیسک)پاکستان میں توسنتے تھے کہ لوگ اپنے عزیزوں کواقتدارمیں آنے کے بعد نوازتے ہیں اس بارے میں مختلف پاکستانی حکومتوں میں کئی بڑی بڑی مثالیں موجود ہیںجس کی وجہ سے کئی شخصیات کے قریبی عزیزوں نے بہتی گنگامیں ہاتھ دھوئے

لیکن اب یہ مثال امریکہ میں بھی پہنچ گئی ہے ۔تفصیلات کے مطابق امریکہ کے نومنتخب صدر ڈونلڈ ٹرمپ کی سابق اہلیہ ایوانا ٹرمپ کا کہنا ہے کہ وہ اس بات کی خواہشمند ہیں کہ انہیں جمہوریہ چیک میں امریک کا سفیر مقرر کیا جائے جو ایوانا کا آبائی وطن بھی ہے۔ امریکی اخبار نیویارک پوسٹ سے گفتگو کرتے ہوئے 67سالہ ایوانا نے بتایا کہ وہ امریکہ کے نومنتخب صدر اور اپنے سابق شوہر سے چیک ریاست میں سفیر بنائے جانے کا مطالبہ کریں گی۔ انہوں نے ٹرمپ کے دس سالہ بیٹے بیرن کے ساتھ گہری ہمدردی کا بھی اظہار کیا جو وہائٹ ہاﺅس میں اپنی والدہ نئی خاتون اول اور ٹرمپ کی تیسری اہلیہ ملانیا کے ساتھ رہیں گے۔ ایوانا نے باور کرایا کہ وہ ملانیا کے نئے مقام سے کسی طور پر حاسد نہیں ہے۔انہوں نے کہاکہ مجھے اپنے عہدے سے غرض ہے کوئی کہیں بھی رہے مجھے اس سے کوئی غرض نہیں ہے ۔