ماسکو (این این آئی) روس کو نومبر کے آغاز میں ہی شدید سردی نے لپیٹ میں لے لیا ٗنومبر میں برف باری غیرمعمولی قرار دی جارہی ہے،دوسرے بڑے روسی شہر سینٹ پٹرزبرگ نے برف کی چادر اوڑھ لی ہے۔رپورٹ کے مطابق سینٹ پیٹرز برگ برف سے ڈھک گیا ہے ، اب تک 300 ملی میٹر برف ریکارڈ کی گئی ٗ رات کے وقت کم سے کم درجہ حرارت منفی 14 ڈگری سینٹی گریڈ رہا۔سینٹ پیٹرز برگ قطب شمالی کے قریب واقع ہے ٗاس کے باوجود نومبر میں برف باری غیرمعمولی قرار دی جارہی ہے محکمہ موسمیات کا کہنا ہے نومبر کے آخر تک درجہ حرارت مزید نیچے گرے گا اور دیگر شہروں میں بھی برف باری ہوسکتی ہے۔