دبئی (این این آئی) نو منتخب امریکی صدر ڈونلڈ ٹرمپ نے شام میں صدر بشارالاسد کیخلاف لڑنیوالی اپوزیشن کی مسلح امداد بند کرنے کا اعلان کیا ہے۔ امریکی اخبار کو دیے گئے انٹرویو میں ڈونلڈ ٹرمپ نے کہا کہ امریکہ کیلئے بہتر یہی ہے کہ وہ شامی اپوزیشن کی مسلح مدد بند کر دے۔نو منتخب امریکی صدر نے کہا کہ بشارالاسد کیخلاف لڑنے والے کئی اپوزیشن عسکری گروپ مجہول النسب ہیں۔ وہ امریکہ کی مدد سے جنگ لڑرہے ہیں۔ ایک سوال کے جواب میں ٹرمپ نے کہا کہ اگر روس نے بشارالاسد کی مدد ترک نہ کی تو امریکہ ماسکو سے براہ راست محاذ آرآئی کریگا۔ڈونلڈ ٹرمپ نے کہا کہ امریکا بشارالاسد کیخلاف لڑ رہاہے جبکہ اسد رجیم داعش کے خلاف بھی جنگ کررہی ہے۔ داعش کا خاتمہ ہماری اولین ترجیح ہونی چاہئے۔