ریاض (نیوزڈیسک)سعودی حکومت نے عمرہ ویزہ حاصل کرنے سے قبل ویکسی نیشن اور ٹکٹ کی کنفرمیشن کو لازمی قرار دے دیا ہے، ذرائع کے مطابق سعودی سفارتخانے نے ایک سرکلر کے ذریعے تمام عمرہ آپریٹر اور ٹوور آپریٹر کمپنیوں کو آگاہ کیا ہے وہ سعودی سفارتخانے میں ویزہ کے مراحل مکمل کرانے سے قبل عمرہ پر جانے والے تمام زائرین کی دستاویز کے ہمراہ ویکسی نیشن، کارڈاور ان کے آنے جانے کی ٹکٹیں کنفرم کروا کر ارسال کریں۔ اس کے بعد ہی سعودی سفارتخانہ عمرہ کے لئے آنے والے پاسپورٹوں پر ویزے کا اجرا کرے گا۔