ریاض(مانیٹرنگ ڈیسک) سعودی شاہی خاندان کے رکن شہزادہ ترکی بن عبدالعزیز السعود انتقال کرگئے ۔سعودی خبررساں ادارے کے مطابق سعودی شہزادہ کے انتقال کی خبر بادشاہی محل سے جاری ہونے والے ایک بیان میں دی گئی ۔

سعودی عرب کے فرمانروا شاہ سلمان بن عبدالعزیز کے بھائی شہزادہ ترکی بن عبدالعزیز آل سعود ہفتے کو دارالحکومت الریاض میں انتقال کر گئے ہیں۔ان کی عمر83برس تھی۔شہزادہ ترکی 1968ء سے 1978ء تک سعودی عرب کے نائب وزیر دفاع کے منصب پر فائز رہے تھے۔انھیں آج ہی سپرد خاک کر دیا جائے گا۔ایک شاہی خاندان کےبیان کے مطابق شاہ سلمان بن عبدالعزیز آئندہ تین روز تک تعزیت کے لیے آنے والے افراد سے ملیں گے۔