لاس اینجلس (این این آئی)ہالی ووڈ کی نوجوان اداکارہ ملی سائرس نے کہا ہے کہ ڈونلڈ ٹرمپ کی کامیابی میرے لئے کسی ڈرائونے خواب سے کم نہیں ہے۔ ڈونلڈ ٹرمپ کے صدربننے پر امریکہ میں مظاہرے جاری ہیں ، ہالی ووڈ فنکاروں نے بھی اس پر اپنے شدید ردعمل کا اظہار کیا ہے اورکئی اداکار امریکہ چھوڑنے کی باتیں کرنے لگے ہیں، ہالی ووڈ اداکارہ باربرا اسٹریسنڈ نے ایک انٹرویو میں کہا ہے کہ مجھے یقین نہیں آتا کہ میں کینیڈا سمیت کسی بھی مل جانے کیلئے تیار ہوں۔ اداکار برائن کرانسٹن نے کہا ہے کہ ٹرمپ کے صدر بننے کے بعد اب میں یقینا کہیں اور منتقل ہوجاؤنگا، یہ میرے لئے کسی بھی طور پر قابل قبول نہیں ہے، نوجوان گلوکارہ ملی سائرس نے کہا ہے کہ ڈونلڈ ٹرمپ کی کامیابی میرے لئے ڈراؤنے خواب سے کم نہیں میں یہاں سے چلی جاؤنگی۔