ریاض (مانیٹرنگ ڈیسک) ماضی میں ٹرمپ کی شدید مذمت کرنے والے سعودی ارب پتی شہزادے الولید بن طلال نے بھی کامیابی پر انہیں مبارکباد دیدی۔ الولید بن طلال نے اپنے ٹوئٹر اکاؤنٹ پر کہا جو کچھ اختلافات بھی ہوں ٹرمپ منتخب صدر ہیں۔ صدر بننے پر مبارک باد اور نیک خواہشات قبول ہوں۔
واضح رہے سعودی شہزادے نے ماضی میں انہیں باعث شرم قرار دیا تھا
اور ان کے صدارتی دوڑ سے باہر نکلنے کا مطالبہ کیا تھا۔ شہزادہ الولید ’’کنگڈم ہولڈنگ‘‘ کمپنی کے سربراہ ہیں۔ اس کمپنی کے مفادات امریکی کمپنیوں ’’سٹی گروپ‘‘ اور ’’ٹائم وارنر‘‘ سے وابستہ ہیں۔ ماضی میں الولید کی تنقید کے جواب میں ٹرمپ نے ٹوئٹ کیا تھا کہ شہزادہ الولید اپنے والد کی دولت کے بل بوتے پر امریکی سیاستدانوں کو کنٹرول کرنا چاہتا ہے۔ میں صدر بنا تو یہ ایسا نہیں کر سکے گا۔
