واشنگٹن (آئی این پی )ڈونلڈ ٹرمپ نے 100 روزہ ایکشن پلان جاری کردیا,امریکہ کے نومنتخب صدر ڈونلڈ ٹرمپ نے کامیابی کے بعد 100 روزہ ایکشن پلان جاری کردیا، ٹرمپ کا کہنا ہے کہ ایکشن پلان احتساب اور واشنگٹن میں تبدیلی لانے کا معاہدہ ہے۔100 روزہ ایکشن پلان کرپشن کو ختم کرنے کیلئے چھ اقدامات سے شرو ع ہو تا ہے۔ جس میں امریکی کارکنوں کی حفاظت، سیکیورٹی اور قانون کی بالادستی جیسے نکات بھی شامل ہیں۔ ایکشن پلان میں وائٹ ہاوس حکام کی بیرون ملک حکومتوں کی جانب سیلابنگ کرنے پر تاحیات پابندی۔ بیس لاکھ غیر قانونی تارکین وطن کا انخلا۔ آزادانہ تجارت کے معاہدے پر دوبارہ مذاکرات۔ٹرانس پیسفک پارٹنرشپ سے واپسی، سکریٹری خزانہ کو چین پرکرنسی کو مصنوعی طریقے سے کنٹرول کرنے والا ملک قراردینے کی ہدایت اور صدر باراک اوباما کی جانب سے جاری کیے گئے غیر قانونی احکامات کو منسوخ کرنا شامل ہے۔
یاد رہے کہ اس سے قبل ٹرمپ نے اپنے خطاب میں واضح طور پر اعلان کیا تھاکہ 20لاکھ غیر قانونی تارکین وطن کو ملک سے فوراً نکال دیا جائے گا ۔