لاہور ( این این آئی)5اور 10مرلے کے پلاٹ مالکان کیلئے بری خبر ، محکمہ ایکسائز نے بڑا اقدام اٹھا لیا ، محکمہ ایکسائز نے مکان اور دکان کے بعد خالی پلاٹ پر بھی ٹیکس لگانے کا فیصلہ کر لیا ، ڈیٹا اکٹھا کرنا شروع کر دیا گیا ، اور اس ٹیکس کی مد میں سالانہ 15کروڑ سے زائد کا ریونیو اکٹھا ہو گا ۔ جس پر بہت جلد ہی کام شروع کر دیا جائے گا۔ ڈائریکٹر جنرل ایکسائز اکرم اشرف گوندل نے میڈیا سے گفتگو کرتے ہوئے بتایا کہ لاہورمیں ایک لاکھ کے قریب خالی پلاٹ ہیں ان پلاٹوں میں 5، 10مرلے اور ایک کنال کے پلاٹ ہیں ،5مرلے کے پلاٹ پر 15 سو روپے جبکہ 10 مرلے پر 31 سو روپے ٹیکس عائد ہے جبکہ ایک کنال کے پلاٹ پر 7 ہزار روپے ٹیکس وصول کیاجائیگا۔ ڈی جی ایکسائز کے مطابق 2سال سے پرانے رجسٹری والے پلاٹس پرٹیکس عائدہوگا اور ٹیکس کی مدمیں سالانہ 15 کروڑ سے زائد کا ریونیو اکٹھا ہو گا۔