اسلام آباد(مانیٹرنگ ڈیسک) امریکہ میں صدارتی انتخابات کے دوران اورہیلری کی بجائے ڈونلڈٹرمپ کی حیرت انگیزکامیابی پر کینیڈا کی امیگریشن کی ویب سائٹ زیادہ صارفین کے وزٹ کرنے کی وجہ سے کریش کرگئی جبکہ یہ قیاس آرائیاں ہیں کہ ڈونلڈٹرمپ کی کامیابی کے بعد بہت زیادہ امریکی شہری اب امریکہ کوخیرباد کہہ کرکینیڈاچلے جائیں گے کیونکہ کینیڈین امیگریشن کی ویب سائیٹ پروزٹ کرنے والوں میں زیادہ تعداد امریکی شہریوں کی بتائی جاتی ہے ۔تاہم ابھی تک کینیڈاکی امیگریشن سروس کے حکام نے ویب سائیٹ کے کریش ہونے کے بارے میں اپناموقف سامنے نہیں لایاہے ۔ویب سائیٹ میں خرابی اس وقت سامنے آئی جب منگل کی شام امریکی ریاست کولوراڈو میں حکام ووٹر رجسٹرشن ڈیٹابیس تک آدھے گھنٹے تک رسائی حاصل کرنے میں ناکام رہے تھے۔اس وقت کولوراڈو کی سیکریٹری سٹیٹ لین برٹیلز نے ٹویٹ کیا تھا کہ

‘کلرک ڈاک بیلٹس کو پراسس سے نہیں کرسکتے جن پر مصدقہ دستخط کی ضرورت ہے۔ ‘ان کا کہنا تھا کہ ‘بدقسمتی سے ہمارا سسٹم بار بار ڈاؤن ہو رہا ہے۔ ‘شمالی کیرولینا کی سٹیٹ بورڈ آف الیکشنز کو بھی کئی جگہوں پر ‘تکنیکی مسائل کی وجہ سے الیکٹرانک ووٹنگ سے پیپر ووٹنگ پر منتقل ہونا پڑا۔اسی وقت امریکی ریاست کولوراڈو میں حکام ووٹر رجسٹرشن ڈیٹابیس تک آدھے گھنٹے تک رسائی حاصل کرنے میں ناکام رہے تھےجس کے بعد یہ بات سامنے آئی کہ مسئلے کے حل تک 93000 ووٹوں کے اپ لوڈ ہونے میں تاخیر ہوئی۔اس قسم کی بھی غیرمصدقہ اطلاعات ہیں کہ کچھ مشینیوں نے امیدواروں کے ووٹ تبدیل کر دیے۔امریکی نومنتخب صدرنے ایک بڑے ٹی وی چینل کوبتایاکہ کہ ‘مشینوں میں آپ رپبلکن کا انتخاب کرتے ہیں اور وہ رجسٹر ڈیموکریٹ کے طور پر کرتا ہے، آج اس قسم کی بہت سے شکایات موصول ہوئی ہیںجبکہ اس دوران امریکی صدارتی امیدوارہیلری کلنٹن کی ٹیکسٹ میسج اورٹیلی فون کے ذریعے ووٹروں کوپولنگ سٹیشن پرلانے کی مہم کے دوان بھی سائبرحملے ہوئے ۔