اسلام آباد(مانیٹرنگ ڈیسک) امریکی انتخابات کے لئے پولنگ کے دوران ووٹروں کا جوش وخروش عروج پر رہا، اپنے اپنے پسندیدہ امیدوار کی جیت کے لئے پر یقین ووٹر اپنے ہی انداز میں ہلہ گلہ کرتے رہے۔ برطانیہ میں بھی خاصی گہما گہمی رہی اور کئی شہر ی صدارتی امیدوارہیلری اور کلنٹن کا ماسک پہنے ان کا روپ دھارے سڑکوں پر نکل آئے اورزبردست ڈانس کرکے دیکھنے والوں کو حیران کردیا۔
دوسری جانب امریکہ کے صدارتی انتخابات میں ری پبلکن امیدوار ڈونلڈ ٹرمپ کی کامیابی واضح ہونے کے بعدامریکیوں کی بڑی تعداد نے کینیڈا کا رخ کرلیا، امیگریشن کے لئے درخواستوں کی بھر مار بھی ہوگئی۔امریکی میڈیا کی رپورٹس کے مطابق امریکہ میں صدارتی انتخابات کے غیر متوقع نتائج اور ری پبلکن امیدوار ڈونلڈ ٹرمپ واضح برتری سے دلبرداشتہ امریکیوں کی بڑی تعداد نے ملک چھوڑنے کا فیصلہ کرتے ہوئے امریکہ کا رخ کرلیا ، پڑوسی ملک کی امیگریشن کے لئے بڑی تعداد میں درخواستیں بھی جمع کرادی گئی ہیں۔ دوسری جانب جیسے جیسے انتخابی نتائج واضح ہوتے گئے ، ہیلری کلنٹن کے حامیوں کی مایوسی بھی بڑھتی چلی گئی، ڈیمو کریٹ امیدوار کے حامیوں کو سر عام روتے بھی دیکھا گیا۔