لندن(این این آئی)برطانوی حکومت بریگزٹ پر عملدرآمد کے لیے ایک نیا قانونی بِل تیار کر رہی ہے۔ یہ بات برطانوی ٹی وی نے بتائی ہے۔ برطانوی ہائیکورٹ نے گزشتہ ہفتے ایک فیصلہ دیا تھا کہ بریگزٹ پر عملدرآمد کے لیے آرٹیکل 50 لاگو کرنا ہو گا جس کے لیے وزیراعظم ٹیریزا مے کو پارلیمان سے اجازت لینا ضروری ہو گا۔

یہ فیصلہ برطانوی وزیراعظم کے لیے ایک دھچکا قرار دیا گیا تھا جو آئندہ برس مارچ میں یہ عمل شروع کرنا چاہتی ہیں۔ حکام کی طرف سے کہا گیا ہے کہ حکومت اس فیصلے کے خلاف سپریم کورٹ میں اپیل کرے گی۔

موضوعات:برطانوی وزیراعظم یورپی یونین