نئی دہلی (مانیٹرنگ ڈیسک) برطانوی وزیراعظم تھریسامے اعلی بزنس وفد کے ہمراہ بھارت کے دورے پر نئی دہلی پہنچ گئیں، یورپی یونین سے انخلا کے بعد برطانوی وزیراعظم اپنے پہلے 3 روزہ دورہ بھارت پر بھارت پہنچیں جو یورپ سے باہر ان کے پہلا دورہ ہے۔ میڈیا رپورٹس کے مطابق برطانوی وزیراعظم تین روزہ دورے کے دوران منگل کے روز بنگلورکا دورہ کرینگی۔ تجزیہ نگاروں کا کہنا ہے اگرچہ تھریسامے کی حکومت کھلے طور پر بھارت کے ساتھ تجارتی معاہدے پر بات نہیں کر سکتی
تاہم وہ یورپی یونین سے باہر دوطرفہ معاہدوں کی تلاش میں ہے تھریسامے بھارتی صنعتکاروں کے وفد سے خطاب بھی کریں گی۔مبصرین کاکہناہے کہ بھارت مختلف مغربی ممالک کے سربراہوں کوبھارت کے دورے کراکے اوربڑے بڑے تجارتی معاہدے کرنے کی کوشش کررہاہے دراصل بھارتی حکومت پاک چین اقتداری راہداری منصوبے پرپاکستان کی مستقبل قریب میں ترقی سے پریشان ہے
جبکہ ماہرین نے کہاہے کہ بھارت جتنے بھی تجارتی معاہدے کرلے اقتصادی راہداری جیساایک منصوبہ کرنے کی حالت میں نہیں ہے کیونکہ بھارت کی جغرافیائی طورپروہ حیثیت نہیں ہے جوکہ خطے میں پاکستان کی ہے ۔