کراچی (مانیٹرنگ ڈیسک) مظفرگڑھ میں اجتماعی زیادتی کا نشانہ بننے والی مختاراں مائی نے بھی ماڈلنگ کے میدان میں قدم رکھ دیااورفیشن پاکستان ویک 2016ء میں ریمپ پر واک کی جبکہ مختاراں مائی نے فیشن پاکستان ویک 2016ء میں فیشن ڈیزائنر روزینہ منیب کے تیار کردہ ملبوسات کی نمائش کیلئے ریمپ پر واک کی۔فیشن پاکستان ویک کی انتظامیہ کے ایک پریس ریلیز میں مؤقف اختیار کیا گیا ہے کہ مختاراں مائی کو ریمپ پر واک کروانے کا مقصد ہمارے معاشرے میں خواتین پر عائد پابندیوں سے متعلق شعور اجاگر اور خواتین کو با اختیار بنانے کے اقدامات کی حمایت کرنا ہے۔واضح رہے کہ مختاراں مائی خواتین کے حقوق پر کھل کر بات کرنے کیلئے مشہور ہیں، انہوں نے خواتین کے حقوق اور لڑکیوں کی تعلیم کیلئے مختار مائی ویلفیئر آرگنائزیشن بھی قائم کر رکھی ہے جبکہ ان کی خدمات کے اعتراف میں کونسل آف یورپ کی جانب سے انہیں نارتھ ساؤتھ پرائز سے بھی نوازا گیاتھا۔

موضوعات:مختاراں مائی