نیویارک(آئی این پی) چین ایک بار پھر اقوام متحدہ کی انسانی حقوق کونسل کا رکن منتخب ، 180ووٹ حاصل کیے ، چین کے علاوہ تیونسیا،جنوبی افریقہ،روانڈا،جاپان،ایراق،سعودی عرب،ہنگری،کروشیا،کیوبا،برازیل،امریکہ اور برطانیہ بھی عالمی ادارے کی انسانی حقوق کونسل کے رکن منتخب ہوگئے۔چائنہ ریڈیو انٹرنیشنل کے مطابق اقوام متحدہ کی جنرل اسمبلی میں ایک بارپھر چین کو تین سال کیلئے عالمی ادارے کی انسانی حقوق کونسل کا رکن منتخب کرلیا،اس کے ساتھ تیونسیا،جنوبی افریقہ،روانڈا،جاپان،ایراق،سعودی عرب،ہنگری،کروشیا،کیوبا،برازیل،امریکہ اور برطانیہ بھی عالمی ادارے کی انسانی حقوق کونسل کے رکن منتخب ہوئے ہیں۔یاد رہے کہ رواں سال کے آخر تک اس کونسل سے چین کی رکنیت کی میعاد ختم ہورہی تھی تاہم چین کے حق میں 180ووٹ ڈالے گئے،جس کے تحت چین ایک بار پھر انسانی حقوق کونسل کا رکن منتخب ہوگیا۔یادرہے کہ اس کونسل کا قیام 2006میں عمل میں لایا گیا تھا جس کا مقصد عالمی سطح پر انسانی حقوق کا تحفظ یقینی بنانا ہے۔

موضوعات:چین