ماسکو( مانیٹرنگ ڈیسک)روس نے بحیرہء روم پر واقع ہسپانوی بندرگاہ سیوٹا میں اپنے بحری جہاز کو ایندھن فراہم کرنے کی درخواست واپس لے لی ۔غیرملکی خبررساں ادارے کے مطابق اس روسی درخواست پر عمل درآمد کی حامی اسپین نے بھری تھی، تاہم مغربی دفاعی اتحاد نیٹو کی جانب سے اس پر شدید تنقید کی گئی تھی۔ اسی تناظر میں نیٹو نے ہسپانوی حکومت سے اپنے فیصلے پر نظرثانی کی درخواست بھی کی تھی۔ روس کی جانب سے یہ درخواست واپس لیے جانے سے قبل نیٹو کے سخت دباؤ کے تناظر میں میڈرڈ حکومت نے کہا تھا کہ وہ اپنے فیصلے پر نظرثانی کر رہی ہے۔

موضوعات:نیٹو