اسلام آباد(مانیٹرنگ ڈیسک) سینما مالکان نے بھارتی فلموں کی نمائش پرلگائی گئی پابندی ختم کرتے ہوئے ملک بھر کے سینما گھروں میں بھارتی فلموں کی نمائش شروع کردی گئی ہے۔ تفصیلات کے مطابق پاکستان میں بھارتی فلموں کے نمائش کنندگان اور سینما مالکان نے پاک بھارت کشیدگی اور بھارت میں پاکستانی فنکاروں کے کام کرنے پرخودساختہ پابندی لگانے کے بعد پاکستان میں بھارتی فلموں کی نمائش نہ کرنے کااعلان کیاتھا تاہم بھارتی انتہا پسند تنظیم ایم این ایس پر بھارتی فوج کی تنقید اورمالی خسارے کے بعد سینما مالکان نے بھارتی فلموں سے پابندی اٹھانیکا فیصلہ کیا ہے جس کا باقاعدہ اعلان جلد متوقع ہے۔بھارتی فلمون کی نمائش پر سے پابندی کے خاتمے کے بعد ملک بھر کے سینما گھروں میں فواد خان کی فلم ‘‘اے دل ہے مشکل’’ اوراجے دیوگن کی ‘‘شوے’’ نمائش کے لیے پیش کی جائے گی، دونوں فلموں کو سینسر بورڈ کی جانب سے این او سیز بھی جاری کردی گئی ہے۔ فلم سرٹی فکیشن سینٹرل بورڈ کے چئیرمین مبشر حسن نے کہا کہ بھارتی فلموں کی نمائش انہیں سرٹیفیکیٹ ملنے کے بعد کی جائے گی۔

موضوعات:بھارتی فلموں کی نمائش پر پابندی