کراچی (مانیٹرنگ ڈیسک)فلم ’’صنم تیری قسم ‘‘ سے بالی ووڈ فلم انڈسٹری میں قدم رکھنے والی پاکستانی اداکارہ ماورا حسین آج آسٹریلیا میں ہونے والے بھارتی شو میں جلوہ گر ہو رہی ہیں۔ پاکستانی اداکارہ ماورا حسین کو بھارتی گلوکار ہمیش ریشمیا کے سڈنی میں ہونیوالے شو کیلئے بک کیا گیا ہے۔ شو میں وہ اپنی بالی ووڈ ڈیبیو فلم صنم تیری قسم کے مشہور گانے ’’کھینچ میری فوٹو‘‘ پر پرفارم کریں گی۔بھارتی میوزک شو میں شرکت کے حوالے سے ماورا حسین خاصی پرجوش دکھائی دیتی ہیں۔ اداکارہ ماورا حسین نے اس خوشی کو سوشل میڈیا پر بھی اپنے پرستاروں کے ساتھ شیئر کیاجس پران کے مداحوں نے بھی ان کوخوب داددی ہے ۔