پیرس (این این آئی) عالمی شہرت یافتہ امریکی اداکارہ اور ٹی وی پروگراموں کی میزبان کم کاردیشان کے فرانس میں قیام کے دوران دو ہفتے قبل ہونیوالی مسلح ڈکیتی کی ویڈیو فوٹیج منظر عام پر آگئی ہے، دو ہفتے قبل مسلح ڈاکو پیرس میں کم کاردیشان کی رہائشگاہ میں فجر سے کچھ دیر قبل داخل ہوئے ، اکیس منٹ کی کارروائی کے دوران نہ صرف انہوں نے بڑے پیمانے پر لوٹ مار کی بلکہ کاردیشان کو زدوکوب بھی کیا، مسلح ڈکیتی کی تازہ ویڈیو فرانسیسی نیوزچینل ایم 6 انفو کی جانب سے نشر کی گئی ہے جس میں تین مسلح چوروں کو ایک موٹر سائیکل پر آتے دکھایا گیا ہے، ویڈیو میں مختلف کلپس جوڑے گئے ہیں ایک حصے میں ڈاکوؤں کو موٹر سائیکل پر کم کاردیشان کی رہائشگاہ کے باہر سے فرار ہوتے دکھایا گیا ہے۔