ممبئی (این این آئی)ویسٹ انڈیز کے جارحانہ بلے باز کرس گیل بھی بالی وڈ اداکارہ شردھا کپور کے دیوانے نکلے ۔ میڈیا رپورٹ کے مطابق کرس گیل اداکارہ کی سماجی رابطوں کی ویب سائٹس پر سرگرمیوں کو فالو کرتے ہیں۔بالی وڈ لائف کے مطابق شردھا کپور نے داؤد ابراہیم کی بہن حسینہ پارکر کی زندگی پر بننے والی فلم حسینہ کی شوٹنگ کا آغاز کردیا ہے۔فلم کی منصوبہ بندی کافی عرصے سے کی جارہی تھی اور سوناکشی سنہا کو مرکزی کردار میں لینے پر غور کیا جارہا تھا تاہم تاریخیں نہ ہونے کے باعث وہ اس کا حصہ نہیں بن سکیں۔تو فلمسازوں نے شردھا کپور کو کاسٹ کرلیا اور گزشتہ روز ٹوئٹر پر اس کی شوٹنگ کے آغاز پر انہوں نے ایک ٹوئٹ بھی کیا۔تاہم اس وقت سب حیران رہ گئے جب کرس گیل نے اس ٹوئٹ کا جواب دیتے ہوئے شردھا کپور کیلئے نیک خواہشات کا اظہار کیا۔وہ ان چند معروف شخصیات میں سب سے پہلے تھے جنھوں نے نیک خواہشات کا اظہار کیا۔فرحان اختر اور دیگر بولی وڈ فنکاروں نے بھی شردھا کو اس کردار پر مبارکباد دی۔فلم کی کہانی داؤد ابراہیم کی بہن کی زندگی پر مبنی ہے جو 1991 میں اپنے شوہر کی موت پر جرائم کی دنیا کا حصہ بنیں جبکہ 2014 میں انتقال ہوا۔