کراچی(مانیٹرنگ ڈیسک)قومی اسمبلی میں اپوزیشن لیڈر سید خورشید شاہ نے کہا ہے کہ جنگ اتنی آسان نہیں بھارت کو ذہن نشین کرلینا چاہیے،اگر ریاست کو چیلنج ہوا تو حکومت،سیاستدان اور عوام ایک پلیٹ فارم پر ہیں جبکہ وزیراعلیٰ سندھ مراد علی شاہ نے کہا ہے کہ ماضی میں صوبائی حکومت نے سکھر کو ترقیاتی کاموں سے محروم رکھا،سکھر بہت اہم شہر ہے مگر اس کا کسی نے خیال نہیں رکھا،ہر فرد کو اپنے اپنے کاموں پر توجہ دینی چاہیے اور سرکاری افسران کو بھی قومی خدمت کاجذبہ ہونا چاہیے،ہر کام وزیراعلیٰ نہیں کرسکتا ۔ہفتہ کو وزیراعلیٰ سندھ مراد علی شاہ نے اپوزیشن لیڈر سید خورشید شاہ کے ہمراہ میڈیا سے گفتگو کرتے ہوئے کہا کہ صوبائی حکومت کیجانب سے ماضی میں سکھر کو ترقیاتی کاموں سے محروم رکھا۔
انہوں نے کہا کہ سکھر سندھ کا تیسرا بڑا شہر ہے،2010کے سیلاب کے نتیجے میں بڑی تعداد میں لوگ سکھر میںآکر آبادہوئے،سکھر پاکستان کا خوبصورت شہر بن سکتا ہے۔وزیراعلیٰ نے کہا کہ ہرفرد کو چاہیے کہ وہ اپنی اپنی جگہ پر کام کریں کیونکہ ہر کام وزیراعلیٰ نہیں کرسکتا اور سرکاری افسران کو بھی قومی خدمت کاجذبہ ہونا چاہیے۔اس موقع پر اپوزیشن لیڈر سید خورشید شاہ نے کہا کہ اگر پاکستان کو چیلنج ہوا تو حکومت،سیاستدان اور عوام ایک پلیٹ فارم پر ہیں،جنگ اتنی آسان نہیں بھارت کو ذہن نشین کرلینا چاہیے،وزیرخارجہ نہ ہونے پر مشکلات کا سامنا کرنا پڑ رہا ہے۔انہوں نے کہا کہ وزیراعظم محمد نوازشریف کو اقوام متحدہ میں جانے سے پہلے اپوزیشن کو اعتماد میں لینا چاہیے تھا،وزیراعظم نے کشمیر پر اقوام متحدہ میں موقفف اچھے طریقے سے پیش کیا ہے۔