لندن (آئی این پی ) یو نیورسٹیوں کی بین الاقوامی رینکنگ میں چین کی 52یونیورسٹیوں کو شامل کیا گیا ہے ، دنیا بھر کی 400یونیورسٹیوں میں چین کی سات یونیورسٹیاں سر فہرست ہیں جبکہ پہلی پچاس یونیورسٹیوں میں ہانگ کانگ کی دو یونیورسٹیاں بھی شامل ہیں ، یونیورسٹی آف ہانگ کانگ 43ویں اور ہانگ کانگ یونیورسٹی آف سائنس اینڈ ٹیکنالوجی 49ویں نمبرپر ہے جبکہ پیکنگ یونیورسٹی اور سنگہوا یونیورسٹی عالمی رینکنگ میں بالترتیب 29ویں اور 35ویں نمبر پر رہی ہیں ،ٹائمز ہائر ایجوکیشن میگزین کی طرف سے ہر سال یونیورسٹیوں کی عالمی رینکنگ کے بارے میں تازہ ترین ایڈیشن شائع کیا جاتا ہے ، یہ تفصیلات میگزین کے حال ہی میں شائع ہونیوالے تیرہویں ایڈیشن میں دی گئی ہیں۔میگزین چوبیس ایشیائی ممالک کی 290یونیورسٹیوں کا ذکر بھی کیا گیا ہے ان میں سے 19یونیورسٹیاں پہلی 200یونیورسٹیوں میں شامل ہیں ،میگزین میں توقع ظاہر کی گئی ہے کہ آنیوالے برسوں میں ایشیاء4 کی مزید یونیورسٹیاں نمایاں پوزیشن حاصل کر لیں گی۔