نئی دہلی(مانیٹرنگ ڈیسک) پاکستان نے اڑی سیکٹر پر حملے پر بھارتی موقف کو مسترد کرتے ہوئے پاکستان مخالف پروپیگنڈا بند کرنے کا کہاہے۔بھارتی میڈیا کے مطابق اڑی سیکٹر حملے پر بھارت میں تعینات پاکستانی ہائی کمشنر عبدالباسط کی دفتر خارجہ طلبی کی گئی جو بھارتی سیکریٹری خارجہ جے شنکر نے کی۔ بھارت میں پاکستانی ہائی کمیشن کے ترجمان کا کہنا ہےکہ بھارت کی جانب سے پاکستانی ہائی کمشنر عبدالباسط کو دفتر خارجہ طلب کیا گیا تاہم پاکستان نے اڑی سیکٹر حملے پر بھارتی موقف کو مسترد کردیا۔ترجمان کےمطابق پاکستانی ہائی کمشنر نے بھارتی دفترخارجہ کوواضح طورپرپیغام دیا کہ بھارت پاکستان مخالف پروپیگنڈا بند کرے اورحملے کی دھمکیاں دینابندکرے ۔ مسئلہ کشمیرکومذاکرات سے حل کیاجائے ،تشدد سے یہ مسئلہ نہیں ہوگا۔۔ ترجمان پاکستانی ہائی کمیشن کا کہنا تھا کہ مسئلہ کمشیر الزامات سے نہیں بلکہ مذاکرات سے حل کیا جائے۔ترجمان نے بتایاکہ بھارت نے ہائی کمشنرپردبائو ڈالنے کی بہت کوشش کی لیکن پاکستانی ہائی کمشنرپاکستان کے اصولی موقف پرڈٹے رہے ۔

موضوعات:اڑی سیکٹرحملہ ہائی کمشنر عبدالباسط