اسلام آباد (مانیٹرنگ ڈیسک)مختلف بھارتی حلقوں کی جانب سے پاکستان دشمنی کا سلسلہ عروج پر پہنچ گیا ہے اور اس دشمنی میں پاگل بھارتی کبھی تو سوشل میڈیا کی مدد سے پاکستان کیخلاف ہرزہ سرائی کر رہے ہیں اور کہیں انڈین میڈیا پاکستانی فوج اور ایٹمی صلاحیتوں سے اپنے ہی شہریوں کو ڈراتا پھر رہا ہے۔ بھارتی سابق جرنیلوں اور فوج کی جانب سے محدود پیمانے کی جنگ اور سنائپر کارروائیوں کی اجازت طلب کرنے کے بعد بھارتی انتہا پسند ہندو بھی کسی سے پیچھے نہیں ہیں ۔ اب بھارتی ہندو تنظیم ’’کرانتا دل‘‘ کی جانب سے وزیر اعظم پاکستان نواز شریف کے سر کی قیمت مقرر کی گئی ہے ۔ ذرائع کے مطابق کرانتا دل نے اعلان کیا ہے کہ جو بھی نواز شریف کی گردن کاٹ کر لائے گااسے ایک کروڑ نقد انعام د یاجائے گا ۔ پارٹی کی جانب سے اسکی وجہ بیان کرتے ہوئے کہا گیا ہے کہ نواز شریف بھارت میں دہستگردوں کی مدد کرتے ہیں۔لہذا سیاسی اور مذہبی تفریق سے با لا تر ہو کر پاکستان اور اسکی قیادت کیخلاف متحد ہو کر سخت ترین کارروائی کی ضرورت ہے ۔