کابل (مانیٹرنگ ڈیسک )افغان طالبان نے بھارت کووارننگ دی ہے کہ وہ افغان حکومت کو جدید ہتھیاروں کی فراہمی نہ کرے۔ایک نجی ٹی وی چینل کے مطابق طالبان ترجمان ذبیح اللہ مجاہد کی جانب سے جاری بیان میں بھارت پر زور دیا گیا ہے کہ وہ کابل کو فوجی امداد اور دیگر مہلک ہتھیاروں کی فراہمی سے باز رہے کیونکہ ایسا کرنا ایک جنگ زدہ ملک سے دشمنی کے مترادف ہوگا۔ترجمان کا کہنا تھا کہ یہ جدید ہتھیار نہ صرف افغان شہریوں کے خلاف استعمال ہوتے ہیں بلکہ اس سے ان کے گھر اور دیگر شہری انفرااسٹرکچر بھی تباہ ہوتا ہے۔ترجمان نے کہا ہے طالبان بھارت کی جانب سے ہتھیاروں کی فراہمی کے عمل کی شدید الفاظ میں مذمت کرتے ہیں اور نئی دلی پر زور دیتے ہیں کہ وہ ہتھیاروں کی فراہمی بند اور ایک کرپٹ حکومت کی سرپرستی کرنا بند کردے۔طالبان ترجمان کاکہناتھاکہ بھارت افغانستان کوغیرمستحکم کرنے کی کوشش کررہاہے۔

موضوعات:بھارت کووارننگ