لندن(این این آئی)برطانوی حکومت نے ایم کیو ایم کے خلاف واضح موقف اپنانے کا فیصلہ کیا ہے جبکہ ہوم افیئر سلیکٹ کمیٹی نے کہا ہے کہ ایم کیو ایم سے نرمی برتنے کیلئے کوئی دباؤنہیں ہے۔نجی ٹی وی کے مطابق برطانوی حکومت نے ایم کیو ایم کے خلاف واضح موقف اپنانے کا فیصلہ کیا ہے،ہوم افیئر سلیکٹ کمیٹی نے کہا کہ ایم کیو ایم سے نرمی برتنے کیلئے کوئی دباؤ نہیں ہے،قانونی چارہ گوئی کیلئے پاکستانی حکام سے رابطے میں ہیں،لیبر پارٹی کی رکن پارلیمنٹ نازشاہ نے کمیٹی سے سوال اٹھایا ہے کہ بانی ایم کیو ایم الطاف حسین کے خلاف دہشتگردی ایکٹ کے تحت کارروائی کیوں نہیں کی جارہی ہے۔واضح رہے کہ ایم کیو ایم کے بانی نے 22اگست کو برطانیہ سے ویڈیو لنک کے ذریعے پارٹی کارکنوں سے خطاب میں پاکستان کیخلاف نازیبا زبان استعمال کی تھی۔