اسلام آباد(مانیٹرنگ ڈیسک )غیر ملکی کھلاڑیوں نے پاکستان سپر لیگ کھیلنے کیلئے اپنی رضا مندی ظاہر کردی ہے ،یہ بات چیئرمین پی ایس ایل نجم سیٹھی نے میڈیا سے بات کرتے ہوئے کہی، انہوں نے مزید بتایا کہ ٹورنا منٹ کا فائنل لاہور میں کرایا جائیگاجسکے لیے سخت سیکیورٹی انتظاما ت کیے گئے ہیں، ہرغیر ملکی کھلاڑی کو 20ہزار امریکی ڈالر کی رقم دی جا ئیگی اور انکے لیے مزید 14کمرے تیا ر کیے جائیں گے ، سیٹھی کا کہنا تھا کہ پی ایس ایل پاکستان کرکٹ بورڈ کی طرف سے عوام کیلئے بڑا تحفہ ہے جس سے قومی ٹورنامنٹ کی راہ ہموار ہوگی اور ہم اسٹیڈیم کو دوبارہ بھرنے میں کامیاب ہوجائیں گے اور ہم پاکستان میں کرکٹ کی بحالی چاہتے ہیں ،گزشتہ پی ایس ایل سے کافی منا فع دیکھنے کو ملا ۔