لندن(این این آئی) پاکستان ٹیسٹ ٹیم کے کپتان مصباح الحق نے کہاہے کہ انہیں ٹیم کے کھلاڑیوں پر فخر ہے، پچھلے چھ سال کے دوران ٹیم میں قابل فخر اور مثبت تبدیلیاں آئی ہیں۔میڈیا سے گفتگو کرتے ہوئے انہوں نے کہاکہ انگلینڈ کے خلاف پہلے ٹیسٹ میں جیت پر خوشی اور ٹیم کے کھلاڑیوں پر فخر ہے ایک سوال پر مصباح نے محتاط انداز اپناتے ہوئے تسلیم کیا کہ ان کے ڈرلز کے سارجنٹ یقیناً انہیں پش اپس کا اک اور سیٹ لگانے کیلئے بھیج دیتے کیونکہ وہ اپنے بازو کو صحیح طریقے سے نہیں موڑ پا رہے تھے۔انہوں نے کہا کہ جب آپ مسابقتی کرکٹ کھیل رہے ہوتے ہیں تو آپ عمر کے بارے میں بالکل نہیں سوچتے بلکہ اگر آپ سمجھتے ہیں کہ ایسا کر سکتے ہیں تو پھر کرکٹ کھیلنے کا چیلنج قبول کر سکتے ہیں۔مصباح نے اسے ٹیسٹ کرکٹ میں اپنی سب سے بہترین اننگ قرار دیتے ہوئے کہا کہ وہ بہت خوش ہیں، لارڈز میں کھیلنا اور خصوصاً سنچری بنانا ایک خواب تھا اور خصوصاً اعزازی بورڈ پر اپنا نام دیکھنا یقیناکچھ خاص ہے ٗکپتان نے بتایا کہ ٹیم نے ٹیسٹ سیریز کے آغاز سے قبل فٹنس اور صلاحیتیں بڑھانے کیلئے بہت کام کیا ہے ٗیہ تمام چیزیں ہمارے لیے مددگار ثابت ہو رہی ہیں کیونکہ لڑکے اب ان کنڈیشنز میں خود کو ڈھال رہے ہیں، وہ رنز بنا رہے ہیں اس لیے پراعتماد ہیں۔