لندن(آئی این پی)اسپن کیشاہ یاسر شاہ کا جادو سر چڑھ کر بول رہا ہے 120سال سے نہ ٹوٹنے والا وکٹوں کی تیز ترین سنچری کا ریکارڈ یاسر شاہ کے قبضے میں دکھائی دینے لگا۔تفصیلات کیمطابق وکٹوں پر وکٹیں حاصل کرنے والے یاسر شاہ تاریخ رقم کرنے کے قریب پہنچ گئے ایک سو بیس سال سے نہ ٹوٹنے والا ریکارڈ یاسر شاہ کی پہنچ میں دکھائی دینے لگا۔مایہ ناز اسپنر انگلینڈ کیخلاف سیریز میں وکٹوں کی تیز ترین سنچری کا کارنامہ اپنے نام کر سکتے ہیں ،یاسر شاہ کی وکٹوں کی تعداد ا82 ہو چکی ہے یاسر شاہ کو انگلینڈ کے جارج لوہمن کا ریکارڈ توڑنے کیلئے لارڈز میں جاری پانچ روزہ میچ اور اگلے دو ٹیسٹ میچوں میں انیس شکار درکار ہیں۔یاسر شاہ ٹیسٹ کرکٹ کی ایک سو انتالیس سالہ تاریخ میں تیز ترین اسی وکٹیں حاصل کرنے والے بالر بن چکے ہیں اسپنر کی موجودہ فارم دیکھتے ہوئے اس بات کا قوی امکان ہے کہ یاسر شاہ وکٹوں کی تیز ترین سنچری کا تاریخی ریکارڈ بھی اپنے نام کر لیں گے۔