لاہور(آئی این پی)قومی ٹیم کے سابق آ ل راؤنڈر عبدالرزاق نے کہا ہے کہ میرا کیریئر ختم کرنے میں وقار یونس کا سب سے بڑا ہاتھ ہے ۔اپنی جارحانہ بلے بازی سے پاکستان کو کئی میچز میں تن تنہا کامیاب کروانے والے عبدالرزاق نے اپنے ایک انٹرویو میں کہا ہے کہ کوچ اور ٹیم منیجرکا کام صرف یہ نہیں ہوتا کہ صرف اپنی نوکری کریں اور کھلاڑیوں کو میدان میں جاکر ٹریننگ کروا دیں بلکہ انہیں کھلاڑیوں کی نفسیات پر بھی کام کرنا ہوگا، انہیں معلوم ہونا چاہیئے کہ کس کھلاڑی میں کتنا ٹیلنٹ ہے اور اسے کیسے استعمال کرنا ہے ،وقا ر یونس نے اپنی یہ ذمہ داری پوری نہیں کی جس کے وجہ سے ان کے 4سے 5سال ضائع ہوگئے۔