ممبئی (مانیٹرنگ ڈیسک)بالی وڈ اداکار کمال ہاسن ٹانگ زخمی ہونے کے باعث ہسپتال میں داخل ہو گئے۔بھارتی ذرائع ابلاغ کے مطابق بالی وڈ اداکار کمال ہاسن اپنی فلم ساباش نائدو کے سیٹ کے نزدیک اپنے آفس کی سیڑھیوں سے گر گئے جس کے نتیجے میں انکی ٹانگ زخمی ہوگئی اور انہیں ہسپتال میں منتقل کر دیا گیا جہاں ان کی معمولی سرجری کی گئی ہے۔ توقع ہے کہ انہیں تین چار دنوں میں ہسپتال سے فارغ کر دیا جائیگا۔اداکار زخمی ہونے کے باعث لندن میں انڈین فلم فیسٹیول ایوارڈ میں شریک ہو کر خود لائف ٹائم اچیومنٹ ایوارڈ بھی نہیں لے پائیں گے۔