ساؤپالو(مانیٹرنگ ڈیسک)پچھترسالہ سابق برازیلین لیجنڈری فٹبالر پیلے تیسری مرتبہ شادی کے بندھن میں بندھ گئے۔ساؤ پالو میں ہونے والی چھوٹی اور سادہ تقریب میں پچھترسالہ پیلے نے پچاس سالہ گرل فرینڈ مارشیہ سبلی آؤکی سے بیاہ رچالیا۔جاپان سے تعلق رکھنے والی آؤکی بزنس ویمن ہیں، جن کی پیلے سے ملاقات اسی کی دہائی میں نیویارک میں ہوئی۔جو دوستی میں تبدیل ہوئی۔ دونوں کی ملاقات دوبارہ دوہزاردس میں ساؤپالو کی ایک لفٹ میں ہوئی، جہاں سے قربت بڑھی، اور دونوں نے چھ سال بعد محبت کو رشتے میں بدل دیا۔ پیلے کی پہلے دو بیویوں سے چھ بچے میں جن میں تین بیٹے اور تین بیٹیاں شامل ہیں۔پیلے دنیا کے عظیم فٹبالر مانے جاتے ہیں، انہوں نے اکیانوے میچز میں برازیل کی نمائندگی کرتے ہوئے ستترگول کیے۔ انہوں نے اپنے کیرئیر میں تین مرتبہ برازیل کو ورلڈ چیمپئن بنانے میں اہم کردار ادا کیا۔