نئی دہلی (مانیٹرنگ ڈیسک)بھارتی فلموں کے مشہور اداکار اور پروڈیوسر رتیش دیش مکھ نے کہاہے کہ میری زندگی کا سب سے بڑا خواب ہے کہ میں اپنی بیوی جلینیا ڈی سوزا کے ساتھ مراٹھی فلم میں کام کروں ۔بھارتی ٹی وی کے مطابق رتیش دیش مکھ نے مراٹھی فلم بنانے کا ارادہ ظاہر کرتے ہوئے کہا کہ وہ جلد اپنی بیوی اور پسندیدہ اداکارہ جلینیا ڈی سوزا کے ساتھ مراٹھی فلم میں کام کرتے نظر آئیں گے اور مجھے امید ہے کہ میری یہ خواہش جلد پوری ہو گی ،ایسا اس لئے بھی ہے کیونکہ جلینیا میری بیوی ہونے کے ساتھ ساتھ میری پسندیدہ اداکارہ بھی ہیں ۔رتیش نے کہا کہ جلینیا کے ساتھ مراٹھی فلم میں کام کرنے کا بڑا مزہ آئے گا ،وہ کئی زبانوں میں بننے والی فلموں میں کام کر چکی ہیں اور انہیں مراٹھی فلموں کا تجربہ بھی ہے جبکہ جلینیا کے ساتھ مراٹھی فلم میں کام کرنا میرا خواب بھی ہے جو جلد پورا ہو جائے گا ۔انہوں نے کہا کہ وہ مراٹھی فلم انڈسٹری کی ترقی سے بہت خوش ہیں اور میرے لئے یہ بڑی خوشی کی بات ہے کہ بالی ووڈ کے ساتھ ساتھ مراٹھی فلم انڈسٹری بھی پنپ رہی ہے ،میرے پاس اس وقت تین مراٹھی فلمیں ہیں جنہیں پا کر میں بہت خوش ہوں ۔