لندن( آن لائن )محمد عامر کی کرکٹ میں واپسی اور انگلش سرزمین پر کھیلنا ، انگلینڈ کے سابق کھلاڑیوں کو بھی کھلنے لگا،انگلش ٹیم کے سابق اسپنر گریم سوان کا کہنا ہے کہ عامر کو لارڈز میں کھیلتا دیکھنے کا تصور ہی ان کے لئے پریشان کن ہے۔محمد عامر کی انگلینڈ ٹور میں سلیکشن نے انگلش ٹیم کے موجودہ کھلاڑیوں کو تو پریشان کیا ہی ہے ،سابق کھلاڑی بھی اسی غم میں گھلے جارہے ہیں کہ عامر ایکشن میں کیسے گئے ،اور پرفارمنس میں اب تک ویسی ہی اسپارک کیسے ہے۔تازہ ترین بیان انگلینڈ کے سابق اسپنر گریم سوان کا سامنے ایا ہیجنہوں نے اپنے کالم میں لکھا ہے،محمد عامر لارڈز کے ہرے بھرے اور شاندار گراؤنڈ میں ،اسے چلتا دیکھ کر ہی عجیب سے فیلنگ ہے۔محمد عامر کو پانچ سال نہیں ،ساری زندگی کے لئے بین کردینا چاہیے تھا،کوئی چاہے کتنا ہی اچھا کیوں نہ ہو،اگر اس نے اپنی روح اور ملک کو چند ٹکو ں کے لئے بیچ دیا ہو،تو اسے دوبارہ میدان میں آنے کا کوئی حق نہیں ،عامر کو لارڈز میں ،ری ایکشنز اور لوگوں کے نامناسب رویے کا سامنا کرنا ہی پڑے گاوہ نہیں بچ سکتے۔