ممبئی(مانیٹرنگ ڈیسک)حا ل ہی میں ڈھاکہ میں ہونے والے لرزہ خیز حملے پر شدید دکھ کا اظہار کرتے ہوئے اداکار عرفان خان کا کہنا تھا کہ اب مسلمان خاموش کیوں ہیں۔واضح رہے جمعے کی رات ہونے والے اس حملے میں 24غیر ملکی ہلاک جبکہ درجنوں زخمی ہو گئے تھے۔اداکار کی جانب سے سماجی رابطے کی سائٹ فیس بک پر اپنی پوسٹ میں اس واقعے کی شدید مذمت کرتے ہوئے کہا کہ رمضان کے مہینے میں ایسے بہیمانہ حملے کے بعد آخر مسلمان کمیونٹی چپ کیوں سادے ہوئے ہے؟۔ انھوں نے لکھا کہ بچپن میں مذہب کے بارے میں کہا گیا تھا
کہ اگر آپکا پڑوسی بھوکا ہو تو آپکو اسے شامل کیے بنا اکیلے کھانا نہیں کھانا چاہیے، بنگلہ دیش کی خبر سن کر اندر عجیب سا سناٹا ہے.قرآن کی آیاتیں نہ جاننے کی وجہ سے رمضان کے مہینے میں لوگوں کو قتل کیا گیا، حادثہ ایک جگہ ہوتا ہے ،پر بدنام اسلام اور پوری دنیا کے مسلمان ہوتے ہیں۔انھوں نے کہا کہ ’وہ اسلام جس کی بنیاد ہی امن ، رحم اور دوسروں کا درد محسوس کرنا ہے ، ایسے میں کیا مسلمان چپ بیٹھے رہیں اور مذہب کو بدنام ہونے دیں۔یا وہ خود اسلام کے صحیح معنی کو سمجھیں اور دوسروں کو بتائیں کہ ظلم اور قتل و غارت کرنا اسلام نہیں ہے‘