ممبئی(مانیٹرنگ ڈیسک) بالی ووڈ فلم اداکار سلمان خان کے جواب سے ریاست مہاراشٹر کا خواتین کمیشن مطمئن نہیں ہوا،ان کا کہنا ہے کہ سلمان خان کا بیان پر رویہ معذرت خواہنا نہیں ہے،ریاستی خواتین کمیشن نے اس معاملے پر اگلی سماعت کی تاریخ 7 جولائی دی ہے۔ خواتین کمیشن نے سلمان خان سے 7 جولائی کو اپنے وکیل کے ساتھ دوبارہ حاضر ہونے اور اپنا جواب حلف نامہ کے طور پر دینے کا حکم دیا۔ سلمان خان نے اپنی فلم سلطان کی تشہیر کے لیے ممبئی میں ایک پریس کانفرنس میں کہا تھا کہ جب وہ سلطان فلم کے لئے پہلوان کے کردار کی شوٹنگ کر رہے تھے تب 120 کلو کے پہلوانوں کو مختلف طریقے سے 10 بار سے زیادہ اٹھانا پڑتا تھا اور چھ گھنٹے کی شوٹنگ کے بعد وہ خود کو عزت لٹانے والی خاتون جیسا محسوس کرتے تھے۔اس بیان کے بعدسلمان خان پر تلخ تنقید ہوئی اور خواتین کمیشن نے خود سے نوٹس لیتے ہوئے خان کو 29 جون کو پیش ہونے کا حکم دیا تھا.۔ سلمان خان خواتین کمیشن کے سامنے پیش ہوئے اور جواب بھی دیا لیکن خواتین کمیشن ان کے جواب سے مطمئن نہیں ہوا۔