لاہور(آئی این پی)عالمی شہرت یافتہ فٹبالر میسی نے ریٹائرمنٹ کا اعلان کیا تو سوشل میڈیا میں شاہد آفریدی ٹرینڈ کرنے لگے۔ میسی کے پرستار ان کو شاہد آفریدی سے سبق لینے کا مشورہ دینے لگے۔ریٹائرمنٹ کا اعلان کیا میسی نے اور ٹرینڈ کرنے لگے شاہد آفریدی۔ پرستار سٹار فٹ بالر کو شاہد آفریدی سے سبق سیکھنے کا مشورہ دینے لگے۔ ایک شخص نے ٹویٹ کیا کہ جب رپورٹر نے میسی سے پوچھا کہ کیا آپ اپنی ریٹائرمنٹ کا فیصلہ واپس لیں گے تو میسی نے جواب دیا میں شاہد آفریدی نہیں ہوں۔ ایک شخص نے لکھا کیا شاہد آفریدی پھر ریٹائرڈ ہو گئے وہ میسی کے ساتھ ٹرینڈ کیوں کر رہے ہیں۔ کسی نے شاہد آفریدی کی عمر کو مذاق کا نشانہ بنایا اور ٹویٹ کیا۔ شاہد آفریدی ٹرینڈ کیوں کر رہا ہے؟ کیا یہ اس کی 17ویں سالگرہ ہے۔