اسلام آباد(مانیٹرنگ ڈیسک)دورہ انگلینڈ کے لیے قومی ٹیم میں جگہ بنانے سے محروم رہنے والے اوپنر احمد شہزاد نے کرکٹ کھیلنے کے لیے نئی ’’ٹیم‘‘ ڈھونڈ لی ہے۔ 24سالہ اوپنر کی اہلیہ نے سماجی رابطے کی ویب سائٹ ٹویٹر پر اپنے پیغام میں اپنے شوہر کواپنے سنیپ چیٹ اکاؤنٹ پر کرکٹ کھیلنے کا چیلنج دیا جسے انہوں نے قبول کرتے ہوئے فیس بک پر کی ہوئی اپنی پوسٹ میں مداحوں کو شام 5بج کر 30منٹ پر اس میچ سے لطف اندوز ہونے کی دعوت دے ڈالی۔ یاد رہے کہ احمد شہزاد ناقص کاکردگی اور ڈسپلن کے مسائل کے سبب پاکستان کے دورہ انگلینڈ کے لیے ٹیم میں جگہ بنانے میں ناکام رہے تھے۔