لاہور(مانیٹرنگ ڈیسک) پاکستان کرکٹ بورڈ نے دورہ انگلینڈ کے لیے سوشل میڈیا منیجر سمیت چار میڈیا منیجرز بھیجنے کا فیصلہ کیا ہے۔ میڈیا رپورٹ کے مطابق آغا اکبر رواں سال جنوری میں دوہ نیوزی لینڈ کے بعد سے میڈیا منیجر کی حیثیت سے ٹیم کے ساتھ ہیں تاہم اب رضا کچیلو اور امجد بھٹی بھی ان کے کام میں معاونت کریں گے۔اطلاعات کے مطابق میڈیا ٹیم میں شامل چوتھے رکن عون زیدی ہیں جن کو صرف سوشل میڈیا کوریج کے لیے مختص کیا گیا ہے۔ذرائع نے بتایا کہ یہ منصوبہ بڑے دورے کے پیش نظر میڈیا مینجرز کو زیادہ سے زیادہ وسعت دینے کے پیش نظر ترتیب دیا گیا ہے۔پی سی بی کے فیصلے پر طنز کرتے ہوئے کرکٹ کے تجزیہ کار جیروڈ کمبر نے کہاکہ باخبر میڈیا کی گردش مستقبل کی طرف ایک اہم قدم ہے۔کمبر نے اپنے ٹوئٹر اکاؤنٹ پر لکھا کہ پاکستان کے پاس اس دورے کیلئے چار مختلف میڈیا منیجر ہیں۔ باخبر میڈیا کی گردش مستقبل کی پیش بینی ہے۔پاکستانی میڈیا ٹیم میں شامل رضا کچیلو حال ہی میں بھارت میں منعقدہ ورلڈ ٹی ٹوئنٹی میں انٹرنیشنل کرکٹ کونسل کی میڈیا ٹیم میں شامل تھے۔