اسلام آباد(مانیٹرنگ ڈیسک)انسان جب سے پتھروں کے دور سے نکل کر سائنس اور ٹیکنالوجی کی دنیا میں پہنچا تو اس کی مصروفیات میں بھی بے پناہ اضافہ ہوا، جہاں وہ اپنے خونی رشتوں سے دور ہوا وہیں دوستوں کی قربت کی خواہش کا گلا بھی گھوٹناپڑا ۔ آج کے مصروف ترین دور میں ایک مسئلہ یہ بھی ہے کہ آپ کے پاس فارغ وقت کی کمی ہے تو آپ کا دوست تفریح کا خواہش مند اور آپ زندگی کے کچھ لمحات انجوائے کرنا چاہیں تو آپ کے دوستوں کے پاس ٹائم نہیں ۔ تو جنا ب پریشان ہونا چھوڑئیے کیونکہ اب آپ دوست کرائے پر بھی حاصل کر سکتے ہیں ۔ جی ہاں!وہ بھی آپ کی مرضی کے مطابق ۔ویکنڈ منانا ہے؟پارٹی انجوائے کرنی ہے ؟ یا پھر شادی کی تقریبات اٹینڈ کرنی ہیں ۔ بس فیس ادا کریں اوراپنی مرضی کے دوست حاصل کریں ۔ یہ حیران کن اقدام سنگا پور کی ایک کمپنی نے کیا ہے ۔کرائے کے یہ دوست پیلی کہلاتے ہیں ۔