سڈنی…… بنگلہ دیش نے ورلڈ کپ کے وارم اپ میچ میں پاکستان کو جیت کے لیے 247 رنز کا ہدف دیا ہے۔بنگلہ دیش نے ٹاس جیت کر پہلے بلے بازی کا فیصلہ کیا اور پہلے ہی اوور میں سہیل خان نے انعام الحق کو پویلین چلتا کردیا، وہ کوئی رنز نہ بنا سکے۔اسکور 16 تک پہنچا تو مومن الحق بھی سات رنز بنانے کے بعد محمد عرفان کی وکٹ بن گئے۔اس موقع پر تمیم اقبال اور محمود اللہ نے شاندار بلے بازی کا مظاہرہ کیا اور 168 رنز کی شراکت قائم کر کے اپنی ٹیم کو بہتر پوزیشن میں پہنچا دیا، تمیم نے 81 اور محموداللہ نے 83 رنز بنایا۔ان دونوں کھلاڑیوں کے اؤٹ ہونے کے بعد بنگلہ دیشی بلے باز پاکستانی باؤلرز کا سامنا نہ کر سکے اور پوری ٹیم 246 رنز بنا کر اؤٹ ہو گئی۔پاکستان کی جانب سے عرفان نے پانچ اور یاسر شاہ نے دو وکٹیں حاصل کیں۔