اسلام آباد(مانیٹرنگ ڈیسک) پاکستانی کرکٹ ٹیم کے نئی ہیڈ کوچ مکی آرتھر نے عمر اکمل کو قابو کرنے کا لائحہ عمل تیار کر لیا، نجی ٹی وی پروگرام میں گفتگو کرتے ہوئے مکی آرتھرسے جب یہ سوال کیا گیا کہ وہ عمر اکمل اور ان جیسے کھلاڑیوں کو کیسے سنبھالیں گے، وہ اکثر پریکٹس سیشن سے غائب رہتے ہیں؟ تو انہوں نے کہا کہ میں ہر کھلاڑی کیلئے الگ پلان مرتب کروں گا، سب اس پر عمل کرنے کے پابند ہوں گے، سب کو ٹریننگ کا حصہ بننا ہوگا۔ مکی آرتھر نے کہا کہ میں عمر اکمل اور دیگر کھلاڑیوں کا جسمانی اور ذہنی ریکارڈ رکھوں گا اس طرح سے مجھے کھلاڑی کی فٹنس کا اندازہ ہو جائیگا۔
پاکستان کرکٹ ٹیم کے نئے ہیڈ کوچ مکی آرتھر نے کہا کہ میں جو طریقہ کار وضع کروں گا اس سے امید ہے کہ مثبت تبدیلیاں آئیں گی۔ ڈسپلن کی پابندی کرکے ہی ٹیم بہتر ہو سکتی ہے۔