لاہور(این این آئی )پاکستان کرکٹ بوڑد نے ویسٹ انڈین کرکٹ بورڈ سے دو طرفہ سیریز میں ایک ٹیسٹ اور ایک ٹی ٹونٹیمیچ بڑھانے اور دو ون ڈے میچز کم کرنے کی تجویز دیدی ۔تفصیل کے مطابق رواں سال اکتوبر میں پاکستان کو ویسٹ انڈین کرکٹ ٹیم کی متحدہ عرب امارات میں ٹیسٹ ، ون ڈے اور ٹی ٹونٹی میچز کی میزبانی کرنا ہے ۔ اب تک طے شدہ شیڈول کے مطابق دنوں ٹیموں کے درمیان دو ٹیسٹ ، دو ٹی ٹونٹی اور پانچ ون ڈے میچز کھیلے جانے ہیں ۔پاکستان کرکٹ بورڈ کی خواہش ہے کہ پانچ کی بجائے تین ون ڈے ، دو کی بجائے تین ٹی ٹونٹی اور تین ہی ٹیسٹ میچز کی سیریز کھیلی جائے ۔پی سی بی نے ویسٹ انڈیز بورڈ کے سامنے اپنی تجویز پیش کر دی ہے ۔ تاہم چند روز میں شیڈول کو حتمی شکل دے دی جائے گی ۔ دونوں ٹیموں کے درمیان ایک ٹیسٹ میچ مصنوعی روشنی میں کھیلے جانے پر پہلے ہی اتفاق ہو چکا ہے جو ابو ظہبی میں کھیلا جائے گا ۔