لاہور(مانیٹرنگ ڈیسک)پاکستانی فاسٹ باولر محمد عامر کیلئے دورہ انگلینڈ کیلئے خصوصی کوڈ آف کنڈکٹ تیار کر لیا گیا ہے۔اس بارے میں ان کو بتا دیا گیا ہے کہ اس دورے میں ان کو مشتعل کیا جاسکتا ہے اس لئے خود ردعمل ظاہر کرنے کے بجائے مینجمنٹ کو اطلاع دینا ہوگی۔میڈیا رپورٹس کے مطابق منیجر انتخاب عالم کا کہنا ہے کہ انگلینڈ کے گذشتہ دورے کو ذہن میں رکھتے ہوئے اس بار ڈسپلن کے معاملے میں سخت ہدایات جاری کی ہیں، مینجمنٹ کو زیادہ چوکس رہنا ہوگا۔عامر کے بارے میں واضح ہدایات موجود ہیں۔ پیسر اس بار کسی غلطی کے متحمل نہیں ہوسکتے۔ان کو انکساری کا مظاہرہ کرنا ہوگا۔ ان پرنیوزی لینڈ میں بھی باؤنڈری لائن کے قریب فیلڈنگ کرتے ہوئے آوازیں کسی گئی تھیں لیکن کوئی جواب نہ دیئے جانے پر خاموشی ہوگئی۔ان کو بتا دیا گیا ہے کہ اگر کوئی بھی شخص ان سے رابطہ کرنے کی کوشش کرے تو اس کی اطلاع مینجمنٹ کو دیں۔