نئی دہلی(این این آئی) بھارتی ٹینس اسٹار ثانیہ مرزا کو ’انڈین آف دی ایئر 2015کے ایوارڈ سے نوازا گیا ہے۔نئی دہلی میں منعقدہ ایک تقریب میں ایوارڈ وصول کرتے ہوئے ثانیہ بے حد خوش دکھائی دیں۔اپنے خیالات کاا ظہار کرتے ہوئے انہوں نے کہا کہ وہ اس اعزاز کو پا کر فخر محسوس کر رہی ہیں اور اپنی جیت کے سلسلے کو جاری رکھیں گی۔بھارتی وزیر خزانہ ارون جیٹلی نے 2000ء سڈنی اولمپک کی تمغہ یافتہ خاتون ویٹ لفٹر کرن ملیشوری کے ساتھ ثانیہ کو ایک خصوصی تقریب میں اس ایوارڈ سے نوازا۔واضح رہے کہ دنیا کی نمبر ایک ڈبلز ٹینس جوڑی ثانیہ مرزا اور سوئٹزر لینڈ کی مارٹینا ہنگس اتوار کو فرنچ اوپن ٹینس ٹورنامنٹ کے خواتین ڈبلز کے تیسرے راو?نڈ میں مسلسل اپ سیٹس کا شکار ہوکر فرنچ اوپن ٹینس ٹورنامنٹ سے باہر ہوگئیں۔