لندن(آئی این پی) پاکستانی نژاد برطانوی باکسرعامرخان ریواولمپکس میں پاکستان کی نمائندگی کی خواہش ظاہر کرکے مشکل میں پھنس گئے۔باکسرعامرخان ریواولمپکس میں پاکستان کی نمائندگی کی خواہش ظاہر کرکے مشکل میں پھنس گئے جس کے بعد ان پربرطانیہ کے ساتھ غداری کا الزام عائد کیا جارہا ہے جہاں پروہ پلے بڑھے۔ عامرخان نے خود پراس تنقید کو مسترد کرتے ہوئے واضح کیا کہ ریو گیمز میں پاکستان کی جانب سے حصہ لینے کی خواہش ظاہر کرنے کا مقصد وہاں پر کھیلوں کو فروغ دینا ہے۔واضح رہے کہ پاکستانی نژاد برطانوی باکسرعامرخان کو انٹرنیشنل باکسنگ ایسوسی ایشن نے ریو اولمپک 2016 میں پاکستان کی نمائندگی کی اجازت دے دی تھی۔‎