ڈھاکا(آن لائن) بنگلہ دیشی پریمیئر ڈویژن ہاکی لیگ میں محمڈن کلب کے ڈیفینڈر اسد الزماں خان چندن کو بنگلہ دیش ایس سی میں شامل 2 پاکستانی پلیئرز سراج علی اور شہباز علی کو زدوکوب کرنے پرایک میچ کیلیے معطل کردیا گیا۔بنگلہ دیشی پریمیئر ڈویڑن ہاکی لیگ میں محمڈن کلب کے ڈیفینڈر اسد الزماں خان چندن کو بنگلہ دیش ایس سی میں شامل 2 پاکستانی پلیئرز سراج علی اور شہباز علی کو زدوکوب کرنے پرایک میچ کیلیے معطل کردیا گیا، جس وقت یہ واقعہ پیش آیا تب ہی انھیں فیلڈ سے باہر بھیج دیا گیا تھا، اس طرح وہ محمڈن کلب کی جانب سے اگلے 2 میچز نہیں کھیل پائیں گے۔دوسری جانب بنگلہ دیش ایس سی کے جنرل سیکریٹری حاجی ہمایوں کا کہنا ہے کہ اس واقعے کے بعد دونوں پاکستانی پلیئرز وطن واپس جانے پربضد ہیں۔ ادھر اسی لیگ میں ریفری سے خراب برتاؤ پر واری کلب کے آفیشل ناظر الاسلام کو بھی ایک میچ کیلیے معطل کردیا گیا۔