لاس اینجلس(آئی این پی)عظیم باکسر محمد علی کی بیٹی ہانا علی نے کہا ہے کہ والد کے تمام اعضا کام کرنا چھوڑ چکے تھے،مگر ان کا دل تقریبا 30 منٹ تک دھڑکتا رہا۔ جو ان کی مضبوطی کی علامت تھا۔تفصیلات کے مطابق باکسنگ لیجنڈ محمد علی کے انتقال پر ان کی بیٹی ہا نا علی نے اپنے بیان میں کہا کہ والد کے تمام اعضا کام چھوڑ چکے تھیتاہم ان کا دل تقریبا تیس منٹ تک دھڑکتا رہا جو کہ مضبوطی کی علامت ہے ۔ہم سب آخری لمحات تک والد کے گرد جمع رہے اور دعائیں پڑھتے رہے ۔ان کا کہنا تھا کہ والد کے انتقال پر ان کے دل غمزدہ ہیں لیکن دوسری جانب انہیں خوشی بھی ہے کہ اب وہ تکلیف سے آزاد ہوگئے ہیں ۔ہانا علی نے پیار اور سپورٹ پر تمام دوستوں اور مداحوں کا شکریہ بھی ادا کیا ۔عظیم باکسر کے بھائی رحمان علی کہتے ہیں کہ محمد علی مہربان ، پیار کرنے والا ، دوسروں کا خیال رکھنے والا اور حیران کن شخص تھا۔ وہ نسلی امتیاز سے بالاتر ہو کر گوروں اور کالوں سب سے پیار کرتے تھے ۔