انقرہ (این این آئی)ترکی کے صدر رجب طیب اردگان نے مسلمانوں سے کہا ہے کہ وہ مانعیتِ حمل کو مسترد کرتے ہوئے زیادہ سے زیادہ بچے پیدا کریں۔ترکی کے سرکاری ٹیلی وژن پر براہِ راست خطاب میں انھوں نے کہا کہ مسلمان خاندانوں کو خاندانی منصوبہ بندی اور مانع حمل طریقوں کا استعمال نہیں کرنا چاہیے۔ترک صدر نے کہاکہ ہم اپنے جانشیوں کی تعداد کو دگنا کریں گے۔خطاب کے دوران ذمہ دار خواتین بطور خاص پڑھی لکھی مستقبل کی ماؤں سے کہا ہے کہ وہ مانع حمل ادویات استعمال نہ کریں اور ترکی کی آبادی میں اضافے کو یقینی بنائیں۔صدر اروغان کے اپنے چار بچے ہیں اور انھوں نے عورتوں سے کہا ہے کہ وہ کم سے کم تین بچے پیدا کریں۔ان کا کہنا تھا کہ عورت اور مرد برابر نہیں ہیں۔ترک صدر کے بیان کے بعد سوشل میڈیا پرنیا تنازعہ کھڑا ہوگیا ہے اور بڑی تعداد ان کے اس بیان کے صحیح اور غلط ہونے کے بارے میں تبصرے کررہی ہے ۔