ممبئی (نیوزڈیسک) بالی وڈ اداکارہ پراچی ڈیسائی نے کہا ہے کہ فلم”اظہر“میں معروف بھارتی کرکٹر اظہر الدین کی پہلی بیوی نورین کا کردار ادا کر رہی ہیں۔ممبئی میں میڈیا سے گفتگو میں انھوں نے کہا کہ ان کا کردار ان کی دوسری بیوی کے کردار سے مختلف اور زیادہ مشکل ہے۔پراچی کے کہا کہ فلم میں سنگیتا بجلانی کا کردار کوئی بھی اداکارہ ادا کر سکتی تھی لیکن نورین کا کردار کوئی بھی اور نہیں کر سکتا۔ انھون نے کہا کہ یہکردار وہ ہی بہتر اداکرسکتی تھی ۔ انھوں نے کہا کہ ان کے کردار میں تنوع کے ساتھ گہرائی بھی ہے اور یہی کردار فلم کا بہترین کردار ہے۔پراچی ڈیسائی نے کہا ان کو یہ کردار چیلنجنگ لگتا ہے کیونکہ وہ نہ تو کبھی نورین سے ملی ہیںاور نہ ہی ان کے بارے کبھی کچھ پڑھاہے۔